~ اخاف لامن رحت عني كلها ساعه و " اموت" ~

ياللي نسجت الحلم فينـي مثـل " نسـج العنكبـوت"
خذني معك وإلا انتشلني مـن "دياجيـر" الظـلام !!


اخاف لامن رحت عنـي كلهـا ساعـه و " امـوت"
وأن مت منت بقايل ٍ من بعد موتي .. ياحراااااام ؟؟!!


معاك أحس ان الكلام أرحـم كثيـر مـن السكـوت
وأحيان احس ان السكوت أرحم كثير مـن الكـلام !!


ياني احبك كثر طيبة مـن سكـن فـي "حضرمـوت"
وأكثر من أعداد "الحجيج " بداخل " البيـت الحـرام"


وغلاك أكبر من غلا "عقاب العواجي" عنـد " نـوت"
وأكبر من " الخيبـه " بوجـه ٍ مايعـرف الأحتـرام


لو كان " لاحجـام الغـلا" بالقلـب مقيـاس وثبـوت
أن كان مبطي قست " وزن الحب " " بالكيلو جرام "!!


من بعد ماصنت المشاعر حـزت منـي كـل صـوت
إلين توجك الخفوق وصرت فـي " عـرش" الغـرام


ولو هو على كيفي عسفت الحرف لعيونـك ..بيـوت
لكن أخاف ان كل بيـت ٍ مايجـي " قـد المقـام "!!


لو هو يغار " الشيح" مره مـن مـذاق " العنـزروت"
أن كان ماغار " النفل " من ريحة أنفاس " الخـزام"!!


ياليت لو تسمح بجي من داخل ضلوعـك وآفـوووت
إلين اشوف أني بقلبك و" أفرش فراشـي وأنـام "!!


بنام ولامنـي صحيـت بخافقـك وأحتجـت " قـوت"
في عينك اليمنى " شراب " وعينك اليسرى " طعـام "


ياليـت لـو معلـق ٍ بعـروق قلبـي " باراشـوت "
حتى ليـا منـه سقـط يمنـع حـدوث الأرتطـام !!


من ماشفت الهوى صايـر مثـل " لعـب البلـوت "
أول بداياتـه زعـل وآخـر نهايـاتـه ...خـصـام


وأنت يوم انـك تركـت الحـب فـاعماقـي يمـوت
(( تعتقد حالي بعد جرحك على أحسـن مايـرام ؟؟!!

ابدعتي بأنتقائك الجميل
وهنيا لنا تواجدك الرائع

دمتي مميزه عزيزتي انثى ..

يسلموو إكليل على توآجدك
سلمتِ غآليتي ..~

صح الله لسان قايلها
وبارك فيكم

؛؛انثى بلاقانون؛؛بصراحه شعرك في قمه الرووووووووووعه صح لسانك يالغاليه صح لسانك وعلى شانك ........ تقبلي مروري المتواضع

صح لسانك اختيار ذوووق

ربي يسعدكم .. منوريـن اقوى شي ~

اللهم اهل علينا هذه السنه بالخير واليمن والبركات في المال والاهل والولد والوطن يااااااااااااااااااااااارب