مطبق سمك زبيدي

مطبق سمك زبيدي

اكله كويتيه

هذه طريقة المطبق الزبيدي الكويتي الأصلي ..

الطريقه

نوع السمك : زبيدي

العدد : 3

نبدأ بسم الله ..

1- نغسل السمج من كل الشوائب .

2- نعصر عليه ليمون و نرش عليه ملح


3 - حشوة السمج :

( 2 بصل كبير ، 2 ثوم ، كزبرة ، بقدونس ، شبنت ، بهارات السمك ( مشكله ) ) طبعا نقصصهم صغار صغار وندق الثوم ونحط نص الكميه حشوة داخل السمج ومن برى ونصها نخشه لبعدين الحشو فوق العيش ..



- الحين نسوي الحشو للعيش ندق شوية ثوم + بصلة وحده + شبنت وكزبره كميه قليله قد الكف

5- نخيط السمج من الجانب الذي حشيناه حتى ان قليناه ما تطلع الحشوة حتى يثبت الحشوه داخل وبعدين نحط زيت على النار تقريبا نص المقلى ونطبق المقلى ونعلي على النار حتى يسخن الزيت عقب نقلي السمك حتى يتحمش الطرف الاول ونقلبه على الطرف الثاني بعد مايخلص نكرر العمليه على عدد السمج اللي عندنا حتى نطفي النار ونحفظ السمج بمكان دافي ..

- الحين نقلي الحشو ( للعيش ) نحط البصل على المقلى بدون زيت ونقلبه على النار وبعدها نضيف شويه ماء حتى يتحمش يصير لونه بني بعده نضيف الثوم + نص قطعه زبده + لومي اسود مطحون + بهارات مشكله + رشه هيل + ملح على قد اليد + كزبره + شبنت اللي جهزناهم بخطوة رقم 4 + نضيف الحشوو السمج اللي خاشين نصه في البدايه مع حشو العيش ونخلطهم كلهم مع بعض بالمقلى حتى يصير لونه حلووو مثل الصوره ونقفل على النار ونطبقه ..



7- الحين نسوي الداقوس يعني المرق نحط جدر الداقوس على النار نحط فيه نص زبده على النار و نقص 5 طماط قطع صغيره جدآ ونحطه + ندق 4 فصوص ثوم+ فلفل بارد + لي طبخ نحط 4 فصوص ثوم مقصوصه نصين للنكهه + كمون (بهارات ) + كزبرة ( بهارات ) + بهارات مشكله + نضيف ماء بالقدر + نضيف ملح على قد اليد +نضيف معجون ملعقتين تقريبا .


8 - نحط 5 اكواب عيش ونغسله وبعدين ننقعه نص ساعه وبعدين نحط قدر متوسط فيه ماء متروس وليمونه وحده نقصها نصين +نص زبده + وقفشة ملح يطبخ شوي بعدين نضيف عليه شويه زيت

9- نحط جدر ثاني كبير اول شي نحط فيه نص بصله مقطع صغار + فلفل بارد أي لون سواء اصفر اخضر احمر انا انوجد عندي الاحمر+ ملح + ثوم + زيت + حشوة اخر ما تبقى من حشوة السمج بعدين نحط السمج فوقه القدر سمح لي احط سمجتين فوق الحشوو بعده نحط العيش (الأرز) بعد نصفي الماء منه وهو نيّ وبعدين نحط الماء اللي بالقدر الثاني اللي فيه الليمون والزبده نحط منه كميه فوق العيش (الأرز) حتى يغطيه ويكون الماء مرتفع بأصبع تقريبا عن العيش (الأرز) ونطبقه ونخليه يطبخ بدرجه حراره مرتفعه .. بعد ماينشف شوي العيش (الأرز) نحط فوقه الزبده


وكل ما حسينا انه نشف زدنا عليه ماء العيش (الأرز) اللي بالجدر الثاني .. وبعده نحط اخر سمجه عندنا بعد مايجف العيش وينجح .. ونجهز صحن نضع به الأرز وبعده السمج ونحط الحشووو اللي مجهزينه للعيش (الأرز)









بالعافيه ...
ان شاء لله يعجبكم


تحياتي واشواقي

يمممممم لذيذ
تسسلم الايااااااااادي
طرح جونااااااااااان

ما شاء الله

وجبة رائعة

بس لمن يكثر الثوم والبصل يخرب الطبخه

سلمتي على الذوووووووق

الاقتباس غير متاح حاليا



يسلموووووووووو اوراق منسية على مرورك الحلوووووووووو

اسر الصيوعي

احلى شئ في طبخ السمك الثوم الكثير

يسلموووووو

يميييي شكلهـ يفتح النفسسس
كل الشششكر غآليتي ع الوصفهـ
الله يعطيكـ العآفيهـ

عذووب مرورك أسعدني

روووووووووووعه وشكله جوناااااان

تسلم الايادي

منوره القسم بموضوعك

شكرا علي الموضوع
واسمحيلي اختي علي اضافة تعديل بالطريقه
بالنسبه لفتح السمك علشان اتحشينها لازم تفتح من الظهر وليس من البطن كما عو موضح في الصوره
وافضل طريقه لعمل الرز او العيش هي نحمس البصل الي ان اصير لونه بني وبعدين انصب عليه الماي علشان يتغير لون الماي واصير لو الغيش بني تقريبا وفي طريقه ثانيه نغلي السمج بماي العيش دقيقه بس علشان العيش ياخذ طعم السمج
واذا ما تبين تحمسين البصل ممكن تغلي الماي لمده عشر دقايق وتحطين معاه بهارات حب لومي اسود دارسين مسمار هيل كمون فلفل اسود الي ان يتغير لون وطعم الماي وانت طبخت يوم الجمعه مطبق ومصور طبختي وبحاول انزل الصوره
للاسف ماعرفت
ملاحظه السمجه الي بالصوره اسمها طلاح عندنا بالكويت
اماًالزبيدي فهي موجوده في بداية الموضوع
شكرا
والسموحه علي التدخل