قالت اجمل قصيدة‎

قالت اجمل قصيدة‎

قالت :وهي تلبس على رأسها الشـــال
ممكن تســمــعـــني قـــوافي جديــــده ؟!!!!

قلت : القصايــد توها جـــــــت على البال
تخــــــيــــري واللــــــــي تبيــــنـــه نعــــــــيده

شافت وقالــت ، كلـــها أجنان وهـــبـــــال
لـكــن مافـــيها مــــن اللــــي اريـــــــده!!!!

قلت أمري : قالت أبي وصـف وخيـــال
بـــــلاش هـــــمّ وحُزن وانا سعــيـــــــــــده

تمتمــــــت بحروف وتظاهـــرت بسـعــــــال
ودي اقــــــول الحــــزن لانك بعــــيــــــــده

قلت أبشري أغيـــر القاف في الحـــــــال
وتكـــوني أول مـــــن وصفت بقصيــــــده

وأكتب لك أجمل بيت في شعري انقـــــــال
واطــــوع ابياتــــي ولـــو هــــــي عنيـــــده

يامـــــن على كتفــــك بقايا الشعر مــــــال
ويامن وصوفك بالــخلايق فــــــريــــــده

الله خلقــــك وجمــــل الخــــــــــد بالخــــــال
واعطاك خير أوصاف جت في عبيـــــــــده

طول، ووسامه ، جســم ، والرمـــــش قتال
وأوصــــــــاف لـــــو بعـــــــــدها لك عديده

ولبّستي الســــنـــــــــه بحبـــــة كـــريســــتال
ملكـتـــي الجمال، وفوق عرشك وحـيـــــده

قالت كثيره : قلــــــت ما جيــــت الافـــعال
لـــو بــوصف افعالك يبي لي جريـــــــــــده

ضحكــــــت وهي ترخــي على وجهها الشال
قالت فديــــتـــــك هذي اجمــــــل قصـيــــــده

قالت وهي تلبس على راسها الشال
سلامي على تلك الابيات الرائعه
تسلم اخي ملك الخواطر انت شاعر والشعراء قليل

سلمت يا هدؤ انسان

يعطيك العافية