دخيــلــ ـأنــفآســكـ..!

أنا أسمع دايم الأمثال تقول الحب يهد الحال
وأنا أقول الهوى جنه ما دام الوصل يحييها



دخيل أنفاسك وخدك ورمش عيونك القتال
ودخيل شفاهك اللي بسمتك دايم تحليها


أبيك بصدق توعدني قصر معك الزمن أو طال
حياتي يا بعد عمري دخليك ما تخليها


وأبيك تكون لي جنه إذا طاح البخت أو مال
وأبي عينك تراعيني من الدنيا وبلاويها


وأبي حبك يغطيني من أسفل كاحلي للشال
وأبي صوتك يذوبني مثل شمعه أنتهى ضيها


وأنا بأعطيك العهد وأمان الواحد المتعال
ما دامني على الدنيا عيونك ما أبكيها



وعلي أفرش لك أهدابي وأحط رمشي غطا وظلال
وأضمك داخل ضلوعي وأذوب لك محانيها



وعلي أرسم بك أحلامي وأخلي الروح بك تختال
وأسميك بحشا روحي حبيبي وإنت غاليها



بعد عمري بعد روحي بعد أعمامي والأخوال
وبعد كل الشعوب اللي تبوت في أراضيها




أحبك أيه أحبك وحبك بالحشا .... لا زاااال....

وأحس إنه بعد يزداد بكل لحظه وثوانيها



أحبك عدد لمعات البروق وغيثها الهمال
وأحبك عدد مخلوق وطا الأرض ومشي فيها


أحبك كثر ما في الكون من بحور وشجر وجبال
وأحبك كثر ما ترسي المراكب في موانيها


أحبك كثر أنفاسك وعدد ما في الصحاري رمال
أحبك كلمه بشفاهي ولا أدري كيف أحكيها


تدري لا محبة قيس ولا حتى هوى الأمثال
يجي ربع المحبه اللي بقلبي لك مخبيها


تخيل من كثر ما أهواك وكثر ما أعشقك بخبال
أحس إني ملكت الأرض من أقصاها لدانيها

كلماات رووعه حبيبتي شمووعه

يسلموو يالغاليه عالطرح

شموووووووووووووووع الغرااااااااااااااااااااام

الله ما ارووووعه من اختيار

يدل على رقه احساسك

قصيده جميله

انتي دائما متميزه

دمتي بذا التميز وفي انتظار الجديد تقديري

نورتواا الصفحه أخوآآني بمروركم المضيء

والله لا يحرمني هالطله البهيه

صح لسانك