خسارة ...!

تهاونت الجروح وجيت لك برضاي
عساني اشرف منك ما يراضيني
مشيت ولا ذريت ان البلا بممشاي
ياليت الدرب عيا لايوديني
كثير افكار كانت اسرع من اخطاي
وقليل الحظ كان اللي مخاويني
اناجيتك وما كان العقل وياي
ولو انه معي ما شافتك عيني
تناسيت العتاب وضيقي وشكواي
ابي النظرات تكفي بينك بيني
انا وين وعيونك وين يا بلواي
اجل وشلون ابفرح وانت ناسيني
تمنيتك ورحت ولمن اللي جاي
على اللي قد تمنان يدليني
سكوتي ماهو يعني مالي اي راي
ماكل من هو حكي لي صار يعنيني
وانا يوم اتنازل عن بعض مبداي
عشان اللي ما هو بيدك ولا ايديني
خسارة والخسارة عقد الشراي
ولا تقدر يابايعني توفيني
اذا كان لي عندك قدر بقفاي
يجيلي يوم افدر به عدويني
واذا هي عون لسلومي ومرباي
يكفيني الشعر يومه ربي فيني
ياحزن الناي ما خليت فيها ناي
بعد ماوخزه الايرة تبكيني
مشاويري تشابه ضيقتي وبكاي
هدر راحوا وراحت اكثر سنيني
تعب حب وشقا عشق وعجز بي دواي
مع انه عارف انه ما يداويني
خلص مني الونين ولا خلص مسراي
ياليل الليل وش باقي يسريني
صباحك يافرح سكر بوسط الشاي
اذا ما ذاب به قربك تلاقيني

ابيات في قمه الروعه
سلمت يمناك
اخي الحنش
كل الشكر لك

اختي فراشة القدس انتي دوق

كلمااات حاااليه
سلمت ماااقصرت بطرحك يالحنش ^^
عسااك عالقوة

اختي هيا الله يحلي ايامك يارب شكرا على الرد الطيب يا ذوق