كـيـف تعــرف أن الموضـــوع مكـرر .. ونقهـــر المشرفيــــن ...!

اول اشي مرحبا كيفكم ان شاء الله بخير

انا هلأ بدي اكتب موضوع وبجوز مكرر بس للأهمية والضرورة رح ارد اكتبو بأيدي ورح اثبتو ان شاء الله

الموضوع انعرف اظن من العنوان وهو كيف نعرف انو الموضوع مكرر

انا بصراحة بدايق كتير بس احذف موضوع لعضو ما لانو اكيد تعب سواء وهو بكتبو او وهوه بنقل فيه وبالنهاية بطلع مكرر وبيجي المشرف وبنقلو ع المكرر والمحذوف يعني بجد الواحد بنقهر وبحس تعبو راح هيك



وعشان هيك قبل ما تنزلو اي موضوع لازم تعرفو او ع الاقل تحاولو تعرفو اذا مكرر او لاء والطريقة هيك :



مثلا انا هلأ بدي انزل موضوع عنوانو " للحب الوآن " بروح اول اشي ع كلمة بحث موجودة فوق بشريط الادوات وبكتب بالفراغ " للحب آلوآن " وبكبس ع بحث عن مواضيع .

هلأ بنشوف النتائج الي رح تطلع اذا طلع في موضوع مشابه هيك ازا موضوعنا مكرر وهيك بنروح بنشوف موضوع تاني لحتى انزله

اوالطريقة الثانية هيه برضو على بحث وبروح بنطول كلمة مميزة من داخل جمل الموضوع وبنكتبها وبنعمل بحث " بالمشاركات " ورح يطلعو النتائج اذا في مشاركة مماثلة برضو الموضوع مكرر


واتوقع هيك بنوفر ع حالنا مجهود كبير واحنا بنعمل بموضوع ويطلع بالاخر مكرر جد اشي بقهر وبدل ما احنا هيك ننقهر هيك بنقهر المشرفين ببطل الهم لا شغلة ولا عملة بالمنتدى هههههههههه


رغم انها الطريقة بسيطة بس مجدية كتييير


بتمنى اتكونو فهمتو علي . . . واي استفسار او نقطة مش واضحة مستعد اعيد الشرح واانا حطيت الموضوع هلأ بشكل مبدأي وخلال فترة قصيرة رح اعمل تعديل ورح انزل الموضوع بالصور عشان يكون واضح اكتر

تحياتي الكم . . . وبعتذر عن الاطالة بالكلام.

فتى الاحلام