|
|
|
|
|
|
|
|||||||
|
|
أدوات الموضوع | انواع عرض الموضوع |
11-02-2009, 03:43 AM
|
#1 | ||
|
  
تاريخ التسجيل: 24 - 1 - 2009
الدولة: niagra falls ny USA
المشاركات: 23,736
معدل تقييم المستوى: 100 
|
بدع الشاعر ابو يونس شرف الدين فاضل وجواب الشاعر القدير ابو هند حسين الحمري
يالله اليوم دحنا الفتن نامن @ وعافنا من شرور الحاسدي والشين وعين شعب اليمن يبني ويتمكن @ ويجني الخير من فوق الشجر من حين وحق حقك علا الباطل ومن خون @ ما نقبل الخون والخاين ولا التخوين ماانزل الله به نمشي ونتهون @ بحبل ربي نمسك دايمن والدين لا حد يفكر بان الخير من لندن @ ولا بمسكو ولا في جامعه لينين كلن يمهل ويمشي باتجاه احسن @ الباب مفتوح للجاوع وللمسكين وللسياسه وللاحزاب صاله فن @ يامن يريد السياسه وقتها ذلحين ومن يعارض يعارض له كما يسهن @ يمشي دلا بس لا يدعس قوي بنزين يساير السير لا يسرع ولا يجنن @ ولا يخالف بنود الضبط والتدوين ومن مشا صح فالصدر الرحب يحضن @ ذي نزل العفو واتعامل معاهم لين القايد الفذ سن التجربه واوطن @ صوت الموطن حكمها ليس بالسوطين قال ابن فاضل وعاد باقي كلام احسن @ نحيلها للاديب الواعي الفهين حسين ابو هند شاعر بالوفاء معلن@ والناس تدري بانه سيف ابو حدين سلام له خاص مامزن السماء قد شن @ وما لمع برق وارضه سيله سيلين يستاهل الجيد عطر الورد والسوسن @ والياسمين اليماني والعنب لونين وبا اسلك ياصديقي عن شلل فشكن @ نصبر عليهم او الا نشحذ السكين زمره صغيره في الدستور تتهاون @ لاعارضو صح ولا شي بطلو تبطين وقلت ماغير شاعرنا استشير اضمن @ زميل حزبي وصاحب مبداء التسعين ذي با يفصل خرايط كل من دندن @ داري في النون والتسكين والتنوين اشرح لجمهور مايجري وراء الاعين @ ما يعمله يا زميلي لاعب الحبلين هل صار فيهم مرض ام اصبحون اعفن @ والحقد خيم عليهم ام هو التستين ان كان حماء عطينا الاسبرين افهن @ وان كان اعفن نعالجهم بمكسلين والله والله ما مثل اليمن مسكن @ ارض السعيده سماها دايما علين ووحده الشعب داخل روحنا امتن @ ترسخت في دمانا قرت العينين من راس عيبان غني ياحمام اشجن @ وشارك الشعب فرحاته بهذا الحين في المنجزات العضيمه شعبنا ادمن @ واصل مسيره ومجده باهي التلوين والدرب واضح ومن راد المضي قدمن @ فالباب مفتوح للاراء والتحسين لابد نبني وطنا في بناء متفن @ نتقن عملنا ونخلص للوطن والدين وختمها بالنبي صلو معي جمعن @ علا محمد واله مالسحب شنين جواب الاخ العزيز الشاعر القدير حسين محمد حسين الحمري ابو هند امنت بالله خالق انسها والجن @ وابدع بخلقه وادم خالقه من طين انا احمدك كلما سبح وما اذن @ وما قرو بالالف والغاشيه والتين رباه عبدك بعصمه حبلك اتمكن @ تكون عونه علا اهل الشر والشرين مامن نصيرن لنا غيرك بهي ندحن @ غازي ومرتد متهاون مع الغازين يقول ابو هند لا اوسخ ولا اهون @ من من تهاون بارضه والشرف والدين بايضل مهتان لا ماوا ولا مسكن @ منبوذ شرعا وعرفن مثل ما رابين من بعد ذلحين يالهاجس دلا اتفهن @ واربط لي امريكه الوسطا مع برلين وقارت اسياء با هزها تذهن @ لا عاد يضلي كذا المستضعف المسكين كمن جثث كل يومن ياعرب تدفن @ والمسلمين اصبحو في ارضهم لاجين سبب طوايف قليله للعلا تسهن @ وعكس ما يسهنو للهاويه هاوين ضاعه قيمهم ومن جنبه قوي يدحن@ وضاع سيناريو عادل مع ياسين والان يامرحبا حيا حدعشر طن@ من فوق راسي ومن فوق السبل والعين بالشاعر اللي كلامه بالذهب يوزن @ منحوت كل القوافي بالادب واللين حييت ابو يونس الشاعر بما دون @ وصح مانقبل الخاين ولا التخوين مامن وطن خير من ارض اليمن واحسن @ حاضر وماضي علا درب العلا ماضين مايهمنا من تهاون بايكون اهون @ والمجد هو مجدنا اهل المجد ذو علين للخيل فارس وللميدان من اتقن @ ولا مجالن لمتخاذل ومرتدين ولا تعالج مريض النفس لا قد من @ ما ضن يتعالج المدمن علا الهروين انته تحاول علا انقاذه وهو يحزن @ مازال يجري بدمه ماترك لينين بايضل نايم وللنايم لما يذهن @ وبايشوف الحقيقه وينهو ذلحين هاذي حقايق ولا يسمح بها يطعن @ الابحكم القضاء لاجو وهم صافين با اطمنك وانت يابو يونس اتطمن @ انا علا حق في مانعمله راضين زعيمنا قدم السلطه لهم واعلن @ فتح مجال الديمقراطيه للراقين وقال هل من بديلن بايكون اضمن @ هاذي مفاتيح قصر ازال من ذلحين وتراكم العجز من عيبان لا دوعن @ ماحد نضيره من اولهم ولا تالين وعاد مرغوم من اجل البلد تامن @ ضميره الحي يبغا للبلد تامين هذا جوابي علا من هو فطين افطن @ نقاشنا حاد والموضوع موضوعين واذكر محمد عدد قطر المطر ماشن @ وامست سيوله علا اغصان الشجر والطين تحيه للجميع من اخوكم شرف الدين فاضل
التعديل الأخير تم بواسطة شرف الدين فاضل ; 11-02-2009 الساعة 09:39 PM. |
||
|
|
| مواقع النشر (المفضلة) |
| الكلمات الدلالية (Tags) |
| الحمري , الدين , الشاعر , القدير , حسين , يونس , فاضلوجواب |
|
|
العرض الشجري