عيشت البدو

يا بنت انتي بنت ناسن مشاهير # # # وانا بدوي عايش مع البوش في البر

انتي في فيلا بالزهر والنوافير # # # وانا بعريش وحولهن غافن اخضر

انتي تلفين المدينه في العصير # ## # وانا ادور بنت ظبيان وازقر

الفرق واضح بيننا دون تفسير # # # مثل الشتا يا بنت يفرق عن الحر

ابوج عنده معرضن للسياير # ## # شين مورد وشي خارج مصدر

من غير لي في البنك شيكات توفير # # # ولا هو بمثلي كل يومن في مخفر

وعمج يعدونه من اللي مشاهير # # # محسوب مالتجار وعاسيت جاكور

وانا بدوي وانتي شهادة ماجستر # # # ويحق لي بشهادة البدوي افخر

ما اغير اطباعي لاجل خاطر الغير # # # يا بنت عفوا اعذريني فلا اقدر

حب البدو من يوم انا عادني صغير # # # اراقب الجوزا ومع الليل اسهر

واحب شوف الذود والصيد بالطير # # # وارتاح يوم الصيد في الدار يكثر

وهذي حياتي عشتها دون تقصير # # # و الحمد لـ اللـه خالق الكون لأكبر