ما قلت لك...؟!

يا هاجري ..

ما قلتلك ..

ان السوالف نايمة على بقايا غَصتي !!

وان الكفوف الزاهية ذبلت وهيْ تشتاقلك !

و ان الوله ميت ظما على معاني عبرتي ..

و ان الجَرِح يشكي جفا اطعن انا مشتاقلك !!

يا هاجري ..

ما قلتلك ..

صار المدى مهما إتسع قدام هجرك يستضيق !!

حتى الحروف اذا انحكت كنْها من شفاه الغريق !

و ان الأنين فْـ غيبتك في ناي شرياني صدح ..

وان الشعر في غيبتك يكتب وهو فاقد فرح ..

كافي جرح !

يا هاجري ..

ما قلتلك ..

اني خذيت من الفراق همٍ على وجهي سمه

حتى ملامح غيبتك تقرا على جال الهدبْ

و ان الدروب المشمسة بدون عينك معتمه

و ان الحنين فْـ غيبتك فاسه بصدري يحتطبْ

ما قلتلك يا هاجري ..

مَ اقــسى الصبر ..

صادرت أفراح العمر

حاولت من بعدك افر

وين المفر !

قلبي وطن .. وانت السفر !!

ما قلتلك يا هاجري ..

سقيت ليلي بـ مدمعي ..

و اسقاني من دمعي سهاد ..

وكل ما يمر فصل الحصاد ..

اشوف وردي ذابل وميتّ حضور !!

ما قلتلك يا هاجري ..

نسيت بأشيائك زمن ..

متشبث بـ تلويحتك

و ان الفرح مكسي حزن

ما قلتلك يا هاجري ..

اني ظما وانت الزلال

و اني بلا شوفك عما!!