قصيده جميله

الكون موحش والمسا فاقد احساس*
والهم ينسج من خيالي قصيــــــــده

اكتب همومي بالقلم فوق قرطاس*
وآرسم معانـــاة الجروح الجديــــــده

القلب وش خلاه مخنوق الانفاس
بين الضلوع العوج ينزف وريـــــــده

الا الفراق وغربة الناس للنــــــاس*
وبعض السوالف و العلوم المكيــده

ياقلب لا تحزن ولا يغلبــــــك ياس*
ارتاح واستبشر بلحظه سعيــــده

اقولها ياقلـــب لاباس لابــــــــاس*
لاتقهرك سود الليالي العنيــــــده

اللي ذكر طيبي على العين و الراس*
واللي تجاهلني تجاهلت سيـــــده

ماهمني من باعني دون مقيـاس*
عزيت نفسي والامانــــي بعيـــده

انا كذا طبــــعي مع كل الاجنــــاس*
القلب عزيته وشـــديت قيـــــــــــده

حوله من الأضلاع حطيت حـــــراس*
تحميه من غــــدر الليالي الشديده

اللي يذوق الغدر صافي من الكاس*
لابد يتـــــــــــعلم وعلمه يفيـــــــده

ضوّيت لي في ســـود الايام نبراس*
يهدي حياتي للدروب الرشيــــــده

محشوم فكري عن تفاكير الادناس*
نفسي عن الهفوات دايم زهيــده

واللي يحاول يسرق اللول والمآس*
ماطالته عينه ولا طالت ايـــــــــده

ماكل صيد يجيبه الحــــــــر قرناس*
يموت بالرمضا ولاهـــــــو يصيــــده

كتبتها جملـــــه أنا بين الاقــــواس*
(لاتقرب النيران جسمك تبيــــده)

اعوذ بالرحمن من كل خنــــــــاس*
من الوساوس والحيـــــــاة البليده

ياوجد حالي كل ماهب نسناس*
سافرت بفكاري لدنيــــا بعيـــــده

صح لسانك يعطيكي العافيه

صح لسانك
كلمات رائعه جداً

سافري بافكرك لفين ماتشتي مامعنا الا افكارنا نسافر بها
صح لسانك

قصيدة رائعة وطرح جميل

كل الشكر

فز شعري يوم أوصـــف غلاها

هي في القـــــلب وعروق دمي
هي حضنـــــي اللي حضني ودفاها

وهي الكلام إلي تلعــثم بفــمي
ودائما تهل بعطاها

وإذا تعبت تقول روحها لي سمي
روحي تفدييييـــــــــك بأحلى جزها

أناديها وأقولها يا أحلى أسم يمي
كلها حنـــان وطيبه يا ناس مين يعد جزاها

وإذا تضايقت أقولها يا أحن قلب يمي
وأقولها وأعطيها هم فوق همٍ وهمي

أردد وأقول يا ناس مين يعد جزاها

أفديك بروحي بس ما توصل لروحك جزاها

وأصلي وأسلم على سيدنا طه


انشاللة يعجبكم شعري

شعرك مافي منه يامنار

بس نقلت الموضوع لقسم الشعر لأنه مكانه المناسب

نزلي قصيدتك في موضوع جديد احسن حتى يشوفها الجميع

تحياتي لك