منتديات اليمن أغلى YEMEN FORUMS

ضيعتني فيك قبل القاك
صوّرت وأخطيت تصويرك
ماكنت أقصر معك / ويّاك
بس انت ماشفت تقصيرك
دقيت بابك وقلت أهواك
ممكن تقلط مسايرك.؟؟
واليوم سلمتني فرقاك
عايف وعذرك مقاديرك
كيف أمشي الدرب والأشواك
تعوقني منك في سيرك
لو أنتهي بك / أرد أبداك
لذلك أوقف على آخييرك
دونيتك ماتبي أرقاك
قلت أنزل الفكر في بيرك
وأستخرج أفكارك واهواك
واحاول اعيد تدويرك
تحقير ذاتك دليل أدراك
تهذيب نفسك وتغييرك
موعيب لو تعترف بخطاك
العيب / تكرار تبريرك
مازلت ثابت على مبداك
تخطي وأنا أسمع معاذيرك
توقيت جرحك على فرقاك
أوجعت / وأكثرت في خيرك
مو لعبه القلب في يمناك
لجل يتحمل مخاسيرك
لو تحمد الله على ماجاك.؟!
ماخلّص الحب تبذيرك!!
ماكنت سيئ أبد ويّاك
كل شي سيئاً بتأثيرك
حبيت غيرك لأجل أنساك
مو لجل إني أحب غيرك.!!